Puta

Zigor

 Herriz herri

 ari naiz

 zoriona saltzen.

 Hankak ditut

 harripeak bezala,

 eta eskuentzat bularrak.

 Batzutan bihotza

 lokatzaz betetzen zait,

 eta nere ibilkerak

 nahiak agertarazten ditu.

 Aski luzea naiz

 begietan ikusteko,

 eta aski laburra

 irainak biltzeko.

 Garia erein dutenentzako

 sedak kentzen ditut,

 eta ogia erosteko

 estaltu osorik.

 Ni naiz amodio

 debekatuaren ohea,

 eta ardoaz nahastutako orhoipena.