Herritar baten balada

Jean Louis Davant

 Ene herria ez da herria,

 Hemen batzuek hala diote.

 Ametsa ote Nabarreria?

 Xabier, Amaiur, Iñigo, Olite,

 Santxo guztiak, Leire ta Biana,

 Axular, orria, Noain, denak ametsak!

 Arbasoak ez ziren hain onak,

 Baskonetarik salbatu gaitu

 Bisigot eta Franken babesak,

 Beste buztanik ote du gatu

 Horrek?

 Ene herria ez da herria,

 Frantzian ere hala diote.

 Otsozelaian dago herria

 Harek omen du betitik bete

 Kulturaz eta gales gizonaz.

 Sarrazenoak edo Englesak

 Dira hemengo beste aztarnak,

 Et'Espainatik salbatu gaitu

 Ama onaren goiko babesak.

 Beste buztanik ote du gatu

 Horrek?

 Ene herria es da herria,

 Espainan ere ala diote.

 Gaztelerazko dira Herria,

 Zeruko Argia, Etxahun, Lete,

 Iparragirre, Anaitasuna.

 Nahiz Cristianoz garen trukesak,

 Biziki maite gaitu Espainak.

 Euskara ere salbatu digu

 Erregearen goiko babesak.

 Beste buztanik ote du gatu

 Horrek?

 IGORTZE

 Ene herria, laboraria,

 Arrotzentako baratze berde.

 Ene herria, langileria,

 Euskaldunentzat dena kez bete.

 Hau da emazte bat izorratu

 Dena.

 ITZULTZE:

 Beste buztanik ote du gatu

 Horrek?

 Buru buztanik al du populu

 Honek?

 Gure harria, ama-lurra da,

 Ezin saldua.

 Gure herria, itsasoa da,

 Beti birjina.