Ume jolasak
Iragorri
Atzokooheko mutikoa lo dago. Logelatik lekora ia izoztuta dagoen txoria oihuka
ari da, gose dela, eta hotz. Mutikoa iratzarri da, eta txoria ikusi du, etxe
aurreko zuhaitz biluzian. Jeiki da, azkar eta zalaparta artean sukaldean dago.
Mahai ondoko kaxoi plastikozkotik atzoko tiragoma bera atera du, irribarre
maltzurra ahoan marraztuta kanpora irtetzeko. Manta zuriaz estalita dago
kanpoa. Kontu handiz, fantasma lez, zuhaitzean dagoen txoriarengana hurbildu
da, hankak elur hotzean oso astiro sartuaz. Poltsikotik atzoko harria atera du,
eta begi bat itxiaz, txoriaren bularraldera apuntatu du. Bi aldiz pentsatu gabe
harria joan da; txoria jo du gainera. Orduan, umeak txoriaren sekulako
garrasiak entzun ditu elurretan, odoletan, eta negarrez eta korrika etxera
sartu da. Jostailua kaxoira bota eta ohean etzan da, malko artean. Beroago
egoten da izara artean. Atzoko oheko mutikoa lo dago.