Gure sabelean

Stanley

 ... eta Hefestok modelatu zintuen buztinez

 eta gaitz guztiak biltzen zituen kaxa

 ireki zenuen

 eta munduan zehar zabaldu ziren

 eta ordutik arrain tropikal bat

 daukagu sabelean

 eta ordutik atzerritarrak gara

 hego haizea bezala, sua bezala.

 Gezurrean igeri eta loreak janez

 eusten diogu munduari

 anisezko izarrak banan banan banan

 itzali arte.

 Gero erori egingo gara erori

 eta erorkeran gogoratu ahal izango dugun

 gauza bakarra

 fruitarbol bat izango da,

 algodoi zati bat...

 eta irudituko zaigu guztia

 ur tanta batean gertatu dela.