Kosmo polita

Stanley

 Berlin

         (edo Alemania bien metafora)

 Maitasuna egiten ari ziren

 Hansel eta Olga

 eta horma bat altxatu zieten biak erditik bananduz,

 eta itsasoarekin egiten dute amets

 desterratutako kaioek

 arkitektura neoklasikodun eraikin publikoen

 begirada susmatzeko ezgai

 eta erori dira horma zatiak

 zementu zati txikidun galaxia bat sortuz

 eta Hanselek ez du Olga errekonozitu,

 eta Olgak ahaztu du Hanselen itxura eta irribarrea

 eta gurutzatu egin dira kalean,

 elkar ikusi gabe...

 kaioak zarataka hasi dira...

                                                                         Belfast

                                                     You were going «very fast»

                                           izan da militar ingelesaren arrazoia

                                                     gidari katolikoa geratzeko

                                                             eta alkoholimetroa

                             lege antiterrorista baino nekezago jartzen dutelako

                                     komisaldegira daramate fruitadenda bat duen

                                                           kriminal arriskutsua,

                 eta furgoiaren lehioetako burdinezko sareen artetik ikusten du

                     «You are entering in free Belfast» kalean behera urruntzen

                                         ume batek Sinead O'Connor izan nahi du

                                                         baina bihar hilko dute

                                         eta hemen zeruak, eguzkiak eta haizeak

                                                       HOGEITABOST urte dituzte

                                               hemen zeruak eguzkiak eta haizeak

                             orain dela hogeitabost urte soilik daukate zentzua,

                           beraien alde borrokan hasi zirenetik konturatu ziren

                                         bazela zeru bat, eguzki bat eta haizea.