Usualia

Stanley

 Usualia noizbait esistitu bide zen.

 Usualiaz hitzegiteko zaharrenek

 begiak ixten dituzte

 Usualiaz entzuteko gazteenek

 begiak parez pare

 irekitzen dituzte.

 Usualian

 txoriak iratzartzea debekaturik zegoen

 usualieraz zerbait idazte hutsa

 poema bat zen berez.

 Usualian zoriontsuak zirela zioten

 eta egun bat jartzen zuten urtean

 negar egiteko.

 Usualian udaberria dekretuz hasten zen

 Usualian amodioa librea zen

 hain librea

 non ez baitzekiten

 nora egin zien

 ihes.