Negua (m)

Stanley

 Hego Euskal Herriko hiriburu bateko

 parke bat neguko arratsalde goibelean ilun,

 hostorik ez adarretan

 baina ezta ere lurrean...

 kale garbitzailea itaundu dute komisaldegian

 kale garbitzailea jipoitu dute komisaldegian

 ez daki ezer.

 «Hosto absenten kasua» deitu diote egunkariek.

 Hego Euskal Herriko hiriburu bat

 —ez da zaila asmatzen, lau aukera baino ez daude—

 hosto gabe

 ilun, goibel arratsalde negutiar bateko parkea.

 Ordu berean

 Espainiako hiriburuan

 —erraza da asmatzen, aukera bat baino ez dago—

 berrogeita hamar kilo hostoz osatutako

 lehergailu batek eztanda egin du. EFE.

 Ondorioz lau egurgile

 hilik suertatu dira.