Time for love

Shaktale

 Eskusu ezezagun zikinetatik

 atera nahi nuke.

 Eguzkiaren printz berogarriak

 nire azal beztugabean gozatu.

 Kantoi ilunetatik ihes egin

 itxaropen kutsatu bakoen esperantzaz.

 Alpeetako laku gardenetan gorputz

 —laster gorpu— unatua murgildu,

 itsasadar petrolioztatuetako zikinduretatik aldegin;

 maitasun berriak aurkitzeko

 —benetako amodioarengan galduta jada fedea—,

 aspaldiko amets erotikoen protagonistak

 behingoz ahantziz.

 Zubi bat balitz bezala,

 iragan iluna eta gero argitsua

 banatzen dituzten metro estuak igaro,

 lubakietara erortzeko beldurra eragotzi beharrean.

 Alkoholaren ausardia faltsua bilatzera aspaldi derrigortua.

 Bestaldean ZU aurki zaitzakedala jakinda,

 jadanik ez dut mozkorrik egon beharrik gustora sentitzeko.

 Garagardotan ito nituen gau misteriotsuetan

 egindako astakeriez ohartu.

 Maitasunaren pentagrama oraindik birjinetan

 taiuturiko nota okerrez ohartu.

 Eta benetako amodioaren

 beldur barik, ZUREKIN BATERA

 desioaren katu kaleetan barneratu.

           Eskuen jokoa

           mihien jokoa

           gorputzen jokoa

                     —orain ez dira gorpuak—

 lehenengo aldiaren lotsa barik hasi.

 Zazpi kaleetako tabernetan zuritoak irensteko,

 Gardako lakuko edozein herri alpinotako

 luxuzko hoteleko gelaren batean

 benetako BEROTASUNA idoroz

 Budako gazteluan bibolin negartiak entzun

 aurreko gaueko ajeak burmuina ziztatzen digula.

 Gorbean, kanpin dendaren epelean,

 elkarren sekreturik ezkutunekoak deskubritu.

 Eta hegan hasi,

           benetako askatasunaren jabe,

           Gran Viako bankujabe putakumeak baino altuago,

           zerura zuzen,

                               ZERURAINO