Nor eta zer naizen?...
Bedoņa, Joakin
"Nai bat gaitu dezu
Nere aitzinean
Jazartzen zaizkidan
Etsaien aurrean.
Burua gaimelez
Igortzi didazu,
Ta nere ontzia
Bai dala gozatu"
(XXII'garren Eresia)
Ene ama maiteari,
Meza-Berri eguneko
Oi ama, oi ene ama nerea,
nor eta zer naizen?...
Oi ama, benetan, zure semea
ez daki iņork zer den!
Itzali zazu, ortzea, gar-gezitze ori.
Gallurretik ondarera su-gurdia irauli.
Lur-zale zabiltzatenok, begi biak itxi.
Jaungoikoaz beste danak nigan auspez yautsi...
Oroen buru bainago
Jainkoa eskutan.
Nere alari etzaio
muga bat ere eman.
Ots, Andra mari berbera
ni aiņa bai ote?...
Ta Ama gozo au ezpada
nor gero litzake?...
Oi ama, oi ene ama nerea,
nor eta zer naizen?...
Oi ama, benetan, zure semea
ez daki iņork zer den!
Ene gogora dagokit zeru-goi osoa:
ots dagiet-ta bertatik, ogi eta ardoa
ez dira ogi, ez ardo, baizik Jaungoikoa,
itxuretan beste arren, dan bezelako.
Au bai zentzuen gezurra,
egi uts-zurra ustez:
me, zuriņo ogi-apurra...
baiņa ogirik ez!
Ontzian ere ardoa.
Begi biak: "ardo".
Itz batzuk zaizkit naikoa.
gezurtatzeko oro...
Oi ama, oi ene ama nerea,
zer eta nor naizen?..
Oi ama, benetan, zure semea
ez daki iņork zer den!
Mirake zintzoenik dut Goiko Jaun aundia:
dei orduko, nere eskutan, du bere aulkia...
Emen dago ogi eta ardo-antzez estalia,
sukarrez, orde, mamian maitasun-zauria...
O, al'baleza gizonak
nolapait gaur esan,
Jainkoaren esku onak
zenbat egin didan!..
Kanta bezaio, bai kanta
biotz onek beti!
Ekeratik orrobira
Aintza, Jauna, zuri...!
Oi ama, oi ene ama nerea,
nor eta zer naizen?...
Oi ama, benetan, zure semea
es daki iņork zer den!...
Jaun onek egin zezaken, gogo-ta ez beste,
izar-morkak zitezela beste orrenbeste.
Egin zitzaken lurreko auts-ondarrak, urre...
Bere alaren aldean fitsik ere ez dire.
Baiņo, arren, Jauna, barka,
gure esku ioria
nigan zearo ustu da,
gain baitit neurria.
Bein, Jauna, egin banauzu
gizon loi-apurrez,
egiten ere zaitut zu
ogi, ardo ta itzez...
Oi ama, oi ene ama nerea,
nor eta zer naizen?...
Oi ama, benetan, zure semea
es daki iņork zer den!
Poztu zaitezke, bai ama benetan zu-poztu.
Gaztaroko lelo aiek berriz otseratu.
Jantzi gaur eztai-jantziak, erestuna sartu,
lorez ornitu leioak, txakiak urrindu...
Zure semea baida-ta,
lur errege orde,
Jaungoiko beraren Jauna,
zeruko mai-kide.
Igo dizut aldarera.
Otoi dut zugatik.
Zure nai utsa bete da...
Il zaitezke pozik!
Oi ama, oi ene ama nerea,
nor eta zer naizen?..
Oi ama, benetan, zure semea
es daki iņork zer den!