Alaitasuna ugari

 1

 Alaitasuna ugari

 dabilkigula dirudi.

 Pozaren poza dakarkiegu

 goibel direneri.

 Irten gara abeslari,

 berri emanez deneri;

 ez dadin inor uste gabean

 tranpetan erori.

 2

 Jesus jaio da Belenen,

 hori gertatu zen lehen,

 geroztik jende asko sortu da

 beraren izenen.

 Ikusten ditugu lanen,

 beti geure aldamenen;

 erraza ez da kontatzen,jaunak,

 zenbat Jesus dauden.

 3

 Gure herriko mutilla,

 egoten zara isilla;

 ez dakit nola geldirik zauden

 eta horren billa.

 Hestuturik ukabilla,

 baldin bazara abilla,

 holako Jesus klase hoiekin

 egizu tortilla.

 4

 Bihotza duzun gizona,

 menperaturik zaudena,

 Eguerri gaua negar bizian

 daramakizuna.

 Non ote da zoriona?

 Aizu, nire Jesus ona!

 Ez da ederki egongo gaur

 kartzelan dagona.

 5

 Egun  dugun justizia.

 benetan da malizia;

 guk euskaldunok geurekin dugu

 holako grazia.

 Ba da zer irabazia,

 harturik pazientzia;

 dudarik gabe lortuko dugu

 nahi dugun guzia.