Lagunaren txerka

 {TITULUA}

J. L.

                                 sudur ttikidun

                                 ene lagun horri

 Zori onaren lurralde antxina ahantzira

 hi eramango hauen zaldi txuriaren bila

 betiro haiz ibili...

 baina aurkitu duna?

 hain errez din erideiten

 maitale batek

 duena maite?

 Bai,

 jadanik ez badaukan

 aurki kausituren dun,

 ez dudarik jar,

 nik ez bait dinat jartzen

 eta ez dinat jarriko.

 Eta hire buruari dion eginen beha

 beti zaldiaren soin txuri horren gainean

 zilarrezko lepoari ederki helduta

 hausnartzen bezela...

 «Hola egongo naiz beti

 lagunen artean

 hola egongo naiz beti

 haien babesean.»