Nuria Agirre

 Neguaren izotz ilunaren artean

 lore bat jaio da

 bere bidea

 malko izoztuen artetik egina

 bi bihotzez da eragina.

 Laztan baten berotasunean

 lore bat sortu da

 bere koloreak

 zuk eta nik nahi ditugunak

 aurpegi lotsatuen gorritasunak.

 Nere etxearen ixiltasunean

 abesti bat entzun da

 bere esanahia

 nere bihotzean, kitarra soinua

 eta zure bihotzean, oihartzuna.

 Itsasoko ur leunaren artean

 olatu bat jaio da

 bere urdintasuna

 zure begietan isladatua

 nere bihotzean markatua.

 Nere bakardadearen iluntasunean

 argi bat piztu da

 eta bere izpiek

 dute gaua argitzen

 nik bezala, zu maitatzen