Zer da bera?

D.H. Lawrence

 — Gizona,jakina.

         Bai, baina zer egiten du?

         — Bizi eta gizona izan.

         Noski, baina lan egingo du. Ogibideren bat izango du.

         — Zergatik?

         Bistan dagoenez aberatsetarikoa ez delako.

         — Ez dakit, gauza ugari dauka, eta oso aulki ederrak egiten ditu.

         Horra hor ba! Altzariegilea da.

         — Ez nuke hori esango.

         Nolanahi ere arotza edo zurgina.

         — Ezta ere.

         Ba horixe esan duzu.

         — Zer esan dut?

         Aulkiak egiten dituela eta zurgina edo arotza dela.

         — Aulkiak egiten dituela esan dut, baina ez arotza denik.

         Tira ba, orduan amateurra besterik ez da.

         — Beharbada! Zer esango zenuke dela zozoa, txistulari profesionala ala

 amateurra?

         Txoria baino ez dela esango nuke.

         — Eta nik dinot bera gizona baino ez dela.

         Ondo dago! Zuk beti ñabardurak egin behar!