I.B.M.
Behin baten bazan tangaka bat. Zerutik jeusi zan ehundaka zatitxotan apurtu
arte harri lau baten ganien. Prezisamente haintxe onduen, arbolapien, amama
Frantziska euen eta segunduen milegarren zatiyaz be jabetzeko begiradiaz ikusi
aben dana. Geuza bat otu yakon orduen eta esaben altuen: "zer izen ete da hori?
tangaka bat gero ehun zati ein dana, ala ehun tanga, batute etorri dienak
harriyaz topo ein arte eta gero bakotza bere aldetik juen?" Eta justo hoixe
pentsetan ebilela aittitte Manuel paseu zan handixik eta entzun be eiaben.
Eurrera juen zan barreka eta pentseu aben: "ze letxe ardure ete deu tangaka bat
izan dan zatitu dana ala batute datozan asho dien, tangakak bardin jeusiko
badie, bata zein bestie izen? Ezta horreittik euriye aldatuko. Zetako emon
hainbeste buelta geuzai?" Eta beste agure zahar bataz alkartu zan eta dana
konteu. Honek sorbaldie jaso eta alde eiaben bestie konturetu barik
irribarretxo bataz eta arbolapetik pasetan eioiela marramarra hasi zan: "egiye
da tangakie osue izen zatitzen dana zein asko izen batute datozenak bardin dala
ze tangakak eztie aldatuko. Baina baitte egiye da hori egiye izen ala izen ez
be bardin dala. Zeeittik emotutzo horrenbeste buelta geuza bati 'zetako emon
hainbeste buelta geuzai?' esaten deuenak? Azken batez zulo berien jeusten da."
Hoixe guztiyoi aittu aben Ricarditok arbolatik bajatzen eioela ze
prezisamentien Rikardito zan arbolatik behera txise ein eta azkenengo tangakak
astintzerakuen amarren ingurure bat bieldu abena. Honixek konklusinuok etara
abezan Rikarditok:
I. Txise eittie derrigorrezkue dala
II. Jentieittik barre eittie eztala hain derrigorrezkua (baina
ondo deuela norbera izen ezkero barre eitten deuena)
III. Pentsetie eztala hain derrigorrezkue.
Eta Rikarditok sabiyotzat hartu abien handik urte gutxire desagertu ein
zanerarte. Nora juen zan Rikardito? Zer dala ta? Zer topeuaben? Zer ordu da?
Behin batean mutiltxo bat
agertu zen argi bat zeramala.
Galdetu zion aitita batek
ea nondik irten zen argi
hura. Mutiltxoak begiratu,
argia amatatu eta erantzun
zion: esaidazu zeuk
orain non sartu den?
Milagritos Unbekue (IBM-n Koinetien amaginarrebien lehengusinie)
Siloiaren gainean metxeroa, haria, beste metxeroa, lapitza, narru zati bat eta
ditarea daude. Imagina egizuz. Imagina egizu ez zaizula gustatzen horrek siloi
gainean egotea, amorratu egiten zaituztela eta niri kentzeko agindu didazula.
Imagina kendu ditudala, jada siloiaren gainean ez dagoela ez metxeroa, ez
haria, ez beste metxeroa, ez lapitza, ez narru zatirik, ez ditarea. Imagina.
Pozik egon beharko zinateke!