I.B.M.

 Lehenengo egunean ontzi esferikoetan etorri ziren eta

 odol tantetan bainaturiko izarrak ziruditen.

 Ilargi betearen ostetik agertu eta

                                                 ezerezko

                                                             tobogai

                                                               erraldoian

                                                   jausiz

 frontoiraino hurratu ziren

     presentziarik gabeko ixiltasunean babestuta

 ume moko biren jokoari begira

 niniak pilotaren espazio aldakorrei adi adi atxekirik.

     Gero ez zuten ezer egin.

 Bigarren egunean esistentziaren kontzientzia ezabatu guran

 liho lore morea ahurretik ahurrera labainduz

     olgetan nerabilelarik, petalotik urten zuten poliki.

 Hiru ziren eta ingenuitatez bustiriko irribarrez

                     heuren misioa narratu zidaten:

 holakoxe gauzak egitea nik poema hau egiteko

 aitzakia euki dagidan.

     Ez genuen ezer egin gero.