Didier de L'axie
Lehenengoz musukatu ninduenari
plazerraren ateetan jarri ninduelako...
(...ateetan, edariak ez bait du parkatzen)
Kontatu nizkinan gose eta egarriak
eta mozkorrak seksu-ezaren oinazea uxatzen didala konfesatu.
Ez nizkinan kristonak kontatu, kristauonak bai ordea.
Ustekabean espainak nireen kontra jarri hituen
arnasa hartzearen tenplantza edo ez jakinez.
Niri, aldiz, sahietsak ere dantzan.
Hire mihin kariņosoak
esturaz mutu nengoen frogatzea debekatu zidan.
Batabestearen ahoak errekistatu genizkinanean
mundu ordinarioari
eta
buru chanpanduari
hirugarren mundu bat oparitu hidan.
Zelebratu ninan, bada,
ume inkontzienteen antzera bataio desiratua
estimaren txistuaz.
Poema iņuzente hau hutskeria dun hire mesedea ordaintzeko.
Poema hobeak sor dizkinat,
liburuak...
eta musuak (musuak ugari oraindik),
neguko egunik hotzenean
plazerraren ateetan jarri naun eta...
Hona hemen nire karizia.
