inprimatu
Ardi gaxoa!...
Izenburua:
Ardi gaxoa!...
Sinadura:
Arana Ezpeleta, Juan (Loramendi, Bedoña)
Urkizaren iruzkina:
Egilea(k):
Arana, Juan

Argitalpena:
Euskera.
Urtea:
1960
Argitalpenaren urtea:
Alea:
V
Orrialdea:
238

 

 

 

 

faksimilea ikusteko


¡Ardi gaxoa...!

 

Loramendi

 

 Ibarrez-ibar, menditik-mendi

 Artzai Onaren ondoren

 zeñen gozoki, zeñen zoruntsu,

 zeñen gentzaro nenbillen!

 Abesti lagun, atseginkorrak

 Artzaiak zizkun abesten,

 ibargi naro, loretsuetan

 genbiltzanean bazkatzen.

 

 Egun batean, lilluratua

 utzirik ai! artaldea,

 aldendu nintzan arturik ala

 bear ez nuen bidea,

 pozkai ondoren urrundu nintzan

 irudipenez betea,

 ludirik barna zoro ninjoan

 iritxi naian obea.

 

 ¡Doakabea!... ez nekin bela

 iges urak zekarrena,

 itxumusturik ez nun nabaitu

 sartu zidaten eztena...

 Urrin zerion bide zabala

 lenen Ibilli nuena,

 arantza zorrotz, otez josia

 zorakerien azkena...

 

 Lizunkerizko lore tartean

 txoraturik nebillela,

 ixil ixilik irten zitzaidan

 iñar-tximista bezela

 otso beltz, aundi, amorratua

 erakutsirik orrela

 begi zartatsu, ao zorrotza

 odol bitsa zeriola.

 

 ¡Ordu samiña!... Gogortu nintzan...

 Iges egin nai atzera!...

 Zaunkaka berriz nere gain beti

 otso goseti ankerra...

 Larri nengoen... indarrak aitu...

 ezin nuen jo aurrera...

 ordu berean ojuka ikusi

 larriro Artzai ber-bera.

 

 Zorigaiztoko aztar ondoren,

 ardi guziak baturik,

 estu zetorren menditik bera

 txistu ta oju egiñik.

 Ibar-mendiak aztertu zitun

 malko samiñez bustirik;

 etsai beltzaren mendean larri

 idoro nindun azkenik.

 

 Il-zori artan ikustean ni

 egin zun txistu zolia...

 nere gañietik uxatu zedin

 otso zital bigurria.

 Arin ta laster urbil zitzaidan...

 Laztandu nindun guztia...

 Ezti tantoaz osatu zidan

 biotzan nuen zauria.

 

 Indartu nindun jardun gozoaz...

 gero sorbaldan jarririk

 eraman nindun ardi tartera

 laztan beroak emanik...

 Eznaiz geroztik inoiz aldendu

 Artzai Onaren esitik...

 ¡¡Ardi galduak!! ikasi Nor dan,

 Jesus Artzaia nigandik.

 


inprimatu