Iņigo Aranbarri
I
Luma beltz/horidun tukana
Izan nahi dut
Praha edo Gernikako zubietan
Liburutegi zaharreko argipean
Vítezlav Nezval, Estepan Urkiaga edota
Tisho Braheren
Begi haustuetan bular idorretan
Alu erreotan ezkutatzeko
Menbrilozko eztanda&deo gratiasetan
lokartzeko
II
Errezilsagar ustelen antzera
Habiratzen dira gure bihotzetan
Zure bidaia nekosoak, Ulises
Itaka ez da estazio hutsen erreinua baino
Eta esaldirik bageko postala itsasoa
Eziguzu arren konta
Ze ondo ikasi zenuen
zitara jotzen
Urrezko hondartza urrunetan
Ez dagoela inon
Kerkitan bezain ohantze gozorik
Bidaiari zartatuen odol zuria
Lili usaintsuetan gordetzen duten
Neskatxa ttipirik
Entzun Ulises alferrik ari zara
Achab kapitainak hotsegin zigun bart
Arrainzopa beroa afaltzen ari ginela
III
Apirilerako idazlana:
Egunero kulunkatzen gara
Ulmeko zumarretan
