J.L. Otamendi

 hodeiek errun zituzten bonbak

 hodeiek errun eta guk jan

 itsasoko oroitzak

 lamiak

 errun eta errun

 jan eta jan

 hodeiek errun zituzten bonbak

 guk jan

 mende bat hiltzeko hainako oroitza gozoak

 hodeiek errun

 guk jan

 oskolez beteak dauzkagu tripak

 suzkoak banitu

 berunezkoak balira

 nire memorian pentsamentuak kuzkurtuta

 errepide zaharretan atera

 koltxoiz gainezka

 sexu oroitza gozoekin

 itsasoraino

 eta haruntzago

 bakardade gurdiak

 minak urratzen hatzazalez

 begietaraino

 eta honuntzago

 heriotza orrazten maitasun etenez

 suzkoak banitu erre

 berunezkoak balira urtu

 urkatu egingo nituzke penak iladan jarrita