J.L. Otamendi

 aurrerantzean

 poemetarako hitzak mendian industuko ditut

 agian promesa galduak kausitzeko

 maitale fosildu artean

 kaiuen lumak damu bat estaliz

 goseak

 baliteke

 bihotz bizirik ohostu izatea

 despedida egunean kantatzeko bakardadeari

 doinu berriekin

 nekea

 bi eskuz hartu ere egingo ditut beharbada

 bestek utzitako banderak

 gorputzik anonimoenak

 (hi ta ni distantzian elkarri begira)

 bero ditzaten

 historian

 aseta