J .L. Otamendi

 biztanlerik ez bada nire egoitzetan

 zein kaletara

 zein aberritan eraman hezurrak

 zorion zahagi zuriak hortik zehar hustuz

 larrutuz jainkorik aingeru ezpata sutuekin

 bekatu sailean

 zeinetan bilduko nituzken

 jibaro kaskezur harroak

 semaforo itsasoaz maiteminduak

 kafesne katilu pozoiz beteekin

 biztanlerik ageri bazait memorian

 haragi bila

 poza eratzeko hodeien giharre zurbilez

 eta soroak

 zenbait desio zaharkitu paseatzeko

 jolas egiteko berriro

 biztanlerik badio

 heldua dela gaua kantatzeko ordua

 eguna erantsiko diot esku formarekin eta izarrez joa

 bakardadearen sailetik kaleok

 aberri honetan ehundaka mende

                     milaka bataila

                     miloika igurtzi berri edaten aurrikusteko

 eta zerua