|
Antzerkia
Loramendi
Lore begian kunkurrunkun
erle gorriztak burrun-burrun:
zer ote dio, zer lioke,
lore-beraren nini-lore;
dantzatu ala barruratu,
egoak jo-ta miazkatu...,
zer ote dio, zer esango
loretxoari kukuriko?
Erle gorrizta: zer diozu
lore begian marmaritsu?
illargiaren kukupean
urretxindorrak udastean:
zer ote dio, zer lioke,
txiruliruka gaua beste;
sarats itzalen kulunera
ta ibai-erroten dunbotsera...,
zer ote dio, zer esango
ilargiari, aopeko?
Urretxindorra: zer diozu
ilargipean txiruliru?
Zer diotsudan, Ama, Zuri,
lore ta ilargi zeran orri...?
Erletxoa naiz, lorea zu:
zer diotsudan badakizu!
Ta illargitara karnaba lez,
zugana nago maite miņez...
Ilargia zu, ni karnaba...
bikote ederra... jakiņa, ba!.
|
