Jana bikotearentzat

M. Pascal Gwala

 Ez zen ezkontzara joan

 elizara.

 Zergatik itaundu nion.

 «Hi, nere anaia Sitha duk», hasi zen.

 «Hiru urtez limurtu zian.

 Lau urtetan serio ibili hituen.

 Haserretu hituen, bera Jo'burgera joan huen.

 Eta harekin zer ikusirik ez zuela eduki nahi zin egin zian.

 Neska itxurosoagorik ba omen zegoen han—

 Zer huen hura neskazahar bat baino?

 Kanpoan izan huen bost urtez.

 Gaur goizean ezkontzera zihoala entzun arte

 bere irakasle izandako batekin

 —bere aurkako haundienarekin.

 Bart itzuli duk, zurbila.

 Eta sekulako alukeria egin dik

 gaur goizean. Bere burua urkatu

 —komunean.»