Mikel Zabaltza gogoan

J.L. Otamendi

 Bidasoa

 gure herriaren alua

 erditze minen atzetik orbain isildu ezina

 Bidasoa

 undina zaharren babesa

 ama baten esperantza malkotan ito zuena

 Bidasoa

 ifarra eta hegoa zati bana

 seme baten oinazeak lotu zizkinan hi baitan

 Bidasoa

 bakerik gabe hotz hoa

 gure gauaren mamuak itzartzera

 Bidasoa

 zikina daraman hura

 zikina bezain ozena hire emalege-odola