Pepe Zulaika

Nikis hostatua

 Burj, burj, burj

 olio burbuilak

 ortzadar puxtarriak

 zoluko zulotik

 igotzen dira.

 Bainerako portzelana irudiek

 herdoilez mugaturik

 ezgorputzen organoak

 osotzen dituzte.

 Ispiluko azidoa

 munstroak itzuliz

 lanbro artean

 begiratzen zarenean.

 Sabaiko amarauna

 zilar hariak

 bizkarrean erasten

 kartzel komun hontan.

East cheap

 {TITULUA}

5,30 a.p.

 Ilargi zoro baten marea gorak

 kalean zehar isuritzen ditu

 mila

 gizon korbatadun

 andre trajetxaketadun

 bizkorrak.

 Alkandora

 zuri gorri urdin

 autobusez oinez bizikletaz

 maletina eskuan zintzilizka.

 Bekoki iluna

 aurpegi hestua

 urrats arina.

 Beltzak zuriak horiak

 momia bizidunak.

                                                                     maiatzak 84