Lilura

Antxon Juaristi

 Hire iletan zehar

 galdu dituk ene hatzazal nakaratuak

 Hireak hituen, bai, nire begizuloak

 freskatu zireneko aintzira urdin sakonak.

 Behin ez, bi, gehiagotan zin

                                         tzi

                                               li

                                                 ka

                                                       tu

 izan nauk nire sudur orekatuan

           azpian

           ezpain urtsuak

           zai neuzkala

           segur.

 hire lepoko bihurgunetan

 sarri ibili nauk nobentan

 Orain... hire esku bakoitzeko

             ahurrak irentsi aurretiko

             mihazka lanetan ari

             nauk, hire kupida malkoz

             busti.