inprimatu
Geldi denbora...
Izenburua:
Geldi denbora...
Sinadura:
Imanol Zurutuza
Urkizaren iruzkina:
Egilea(k):
Zurutuza, Imanol

Argitalpena:
Susa.
Urtea:
1980
Argitalpenaren urtea:
Alea:
1980
Orrialdea:
13

Imanol Zurutuza

 

                                                                       Karmeleri

 gaur ere

 amaren ditia faltako zaionean

 haurrak

 nigar egingo du

 

 gaur ere

 aita lantegian hilko zaionean

 semeak

 ama tiro batez zulatuko du

 inanizioz hilzorian ikusiko duenean

 eta

 bere burua

 bere burua sorbalden gainean

 lan eske hasiko denean

 inon

 inon hartuko ez dutenean

 pulpitura igoko da

 baldin badago ere

 hemen ez da ageri

 esango du

 eta

 azken odol tanta isuriko zaio

 

 gaur ere

 eguzkia izkutatu denean

 putzu guztiak lehortuko direnean

 gameluek

 gameluek gizonen malkoak edanen dituzte

 

 geldi dendora

 euripean

 oinutsik

 segundu baten

 bizkar biluzian zehar

 lehor mihiaz ur tantak

 txikle bat mastekatuz

 ikusmira lasai eskaparate guztiak

 estudia maniki gorriaren izaera

 eta hitzegin berarekin

 eztabaida

 erabaki nola tiranoak tronuetatik bota

 bota

 erre tronuak

 har berriro trolebusa

 errenteriara

 birao pare bat

 prezioa ostera igo dutelako

 pasaian atso bat

 egin tokia

 errenteria

 eros egunkaria

 etxera

 etzan ohean

 eman korda erlojuari

                               eta

                                     orduan

 eta orduan

 orduan dasta

 dasta libertatea

 

 


inprimatu