¡Negua jun da!

Aldabe'tar Jokin

 Azken ordutan dago Negua:

 bildu ditu aserriak.

 Elur ta beste izotz, gelate,

 almen aundiko ageriyak,

 gordeko al ziran urrengo arte

 ¡Agur agur... goraintzyak.

 Negu gogorrak iges egiñ du

 Uda berrik bultzatuta.

 Loretegitan agertu dira

 landare alek apainduta

 Laño-goibela gayen zeudenak

 dijuaz denak uxatuta.

 Lenengo lorek jayo zaizkigu;

 Jose Deunaren Loriak.

 Jaunen eskutik ¿atera al leizke

 ditugun baño obiak?

 Lore apala, usai dun lorek,

 egiz zerate maitiak.

 Atera zaite, Uda berriya

 prest-prest zauden tokitikan.

 Alde egiñ du Negu petralak

 zure begi aurretikan

 Zabaldu, ¡ene ! zure apañak

 nun nai ta ongi bazterretan

 ¿Jun da egitan nere anaya?

 ¿Ez da berriz etorriko?

 Askotan daki berriz biyurtzen

 ¿Ez al zayo damutuko?

 Bildurra daukat, bildur larriya

 naizen aña azaltzeko.

 Arratsa ariñdu ta moztutzen da;

 laxter dator goiz argiya.

 Sortalden parrek jeikitzen zaigu

 aundiz jantzita iguzkiya.

 ¡Bai dala egitan zoragarriya

 bere suzko arpegiya.

 ¡O gure eguzki distitzallia

 zabaltzaiguzu ontasuna.

 argiya da ta zalantzik gabe

 gauz denen arten onena.

 Argi orrekiñ, gure Jaun maite,

 eman zaiguzu onespena.