Munduan Iragan da...

Iratzeder

 Munduan iragan da Jainkoaren soa:

 Harek du churiz jauntzi mendien kachkoa,

 Izarrez ilhunbeak, zeruz itsasoa.

 Munduan urtu zaiku Jainkoaren soa: Harek du amen baitan ichuri gochoa,

 Haurñoen begietan goiko irriñoa

 Munduan iragan da Jainkoaren soa:

 Hartarik du gizonak duen-balioa,

 Hartatik duen-Amets neurrigabekoa.

 Munduan badabila Jainkoaren soa:

 Hargatik zaiku eder geroko geroa,

 Geroko Eskual-Herria bethierekoa.

 Munduan hara berritz Jainkoaren soa:

 "Urthe on! Urthe berri!" bethiko leloa,

 bizia urthez-urthe Jainkoak baitoa.

 Guri so iragan da Jainkoaren soa...

                                                               22 X 50, Beloken.