Chiriorat ukurtuak...

Iratzeder

 Kaputcha buruan eta chiriorat ukurtuak,

                 Ilhunpean aitu gare

                 Lehengo fraiden pare,

 Cririorat ukurtuak, chirultzen salmo-kantuak.

 Kanpoan aize burrumba, marruma eta hil-sistu,

                 Elizan daldara-dantzan

                 Zeru itzalak zabiltzan;

 Kanpoan denek hil-sistu eta guk kantu ta kantu.

 Jainkoraino gogoz joanak, ez ginakien nun ginen,

                 Chirioa choraturik

                 Chortaka  zoakularik,

 Ez ginakien nun ginen, ez eta ere baginen...

 Kantuz-kantu ukurtchago, begiek ezin ikusiz,

                 Baginauden tin-tinki bat

                 Azken ezko pindarrerat

 Nigarka ezin ikusiz eta... nigarka goi-argiz.

 ............................................................................

 ............................................................................

 Kaputcha buruan eta goi-argirat airatuak,

                 Zeruetan aiko gare

                 Anaiekin bethiere,

 Goi-argirat airatuak, chirultzen salmo-kantuak.

                                                         "Zeru-Menditik", II 10