Bortian Ahüzki

Etchahoun

                 1

 Bortian Ahüzki, hur hunak osoki,

 Neskatila ejerrak han dira ageri:

 Hirur badirade, oi! bena charmantik,

 Bacha-Nabar orotan eztie parerik.

                 2

 Neskatil' ejerra, oi! begi ñabarra,

 Nuntik jin izan zira bortü gañ huntara?

 Garaziko aldetik, desir nian bezala,

 Ahuzkiko üthürrila, hur fresken hartzera?

                 3

 Goizetan eder dizu ekhiak leñhürú:

 Mundia argitzen dizü, enguru-enguru.

 Ni ere zur' ondoan hala nabilazü:

 Eia maite naizünez, othoi, erradazü.

                 4

 Maite zütüdala badizu aspaldi,

 Ezpanereizün erran orano zihaurt:

 Bihotzian edüki phena handireki;

 Zihauri erraitera oi! ezin atrebi!

                 5

 Gord'ezazü hori ahalaz lüzazki,

 Maite ükhenen zütut nik har-gatik bethi,

 Berriak egükiren, ezin heltin, hanti;

 Gero izanen gira biak algarreki.

                 6

 Adio Ahüzki eta Nabolegi

 Dolü 'giten deiziet Lakharsorhoreki;

 Goraintzi erroizie Ziprian Phinorí,

 Mil' esker derogüla haren karesari!