Denborak ilundu ditu kaleak

 kriseilu esperantzadunek elurra nekez urtzen duten

 lurralde urrunetan

 elaiak biluztasunera kondenatu dituzte

 eta ezin ditu gudak arropatu

 fusilen beroa arriskutsuegia delako

 haurrak baino ez dira jolastuko

 lubakietan libertitzera

 besteok tiroen jokuan jausiko gara

 behin eta berriz

 zulo guztiak polboraz zarratu arte

 haize koloreanitzak

 gorriz tindatuko dituzte auspoak eta hitzak

 eta borrokak

 denborak ilundu baititu kaleak

 eta ilunduko ditu

 amorruak leotz guztiak beteko dituen arte