inprimatu
Etxera itzuliak gara hildakoen legezko...
Izenburua:
Etxera itzuliak gara hildakoen legezko...
Sinadura:
Xabier Aldai
Urkizaren iruzkina:
Egilea(k):
Aldai, Xabier

Argitalpena:
Vladimir.
Urtea:
1998
Argitalpenaren urtea:
Alea:
11.zk.
Orrialdea:
3

Xabier Aldai

 

 etxera itzuliak gara hildakoen legezko

 memoria defendatzera eta bide batez

 bizi direnengandik idazteko xedez irudien gosez

 gure gosea hain zaharra hain lehensemea dela esateko

 ezen eta galdu zirenak edo eraitsi edo deuseztatu

 edo desitxuratu edo gainapainduak

 baztertu eta faltsuki izendatutako

 sasoialdi guztietan batera aztertu ditugun

 

 iragan bakoitzaren bisaiak jaiki ahalko duten

 ni bezala lagunen gorpuen ondoan hiriaren erdi minetan

 bira bat emanez gogorarazten nauzu gogoan zaitut

 telebista pantailetan zatitu gintuzten odolezko

 malkoak isurtzen ez dituzten kameren begiek

 bildumatzaileen zigilu beilaska garestietan

 kaleetan zehar haizeak daramatzan

 egunkarien orrialdeetan barne eta ez da aski izango

 

                 hauxe duzu bizi nahi dutenen guda

 mihi purpuratuen amapolak babesten zituzten

 orri arantzadunak bata bestearen ondoren

 batak besteari.

 


inprimatu