zure lepoan bildutako zapia da palestina

 eta horregatik harrikatzen dizkizut ezpainak

 euripean idazten ditudan poemekin

 malkoek ere erreka gorrietan nabigatzen dute

 gasolinaren odola faro bakar duten begietan

 behar zaitudanean idazten dut

 hartara koloretako beleekin hegalda zaitzaket

 gure intifadek sutzen dituzten basamortu zurietan

 zure begiak ilargiak gauean sortutako balak dira

 harria eskuan duen haurra naiz herri zaurituan

 eta nire bihotzean bildutako zapia da zure izena