inprimatu
Gerra bukatuko da noizbait
Izenburua:
Gerra bukatuko da noizbait
Sinadura:
Stanley
Urkizaren iruzkina:
Egilea(k):
Estankona, Igor

Argitalpena:
Vladimir.
Urtea:
1998
Argitalpenaren urtea:
Alea:
4.zk.
Orrialdea:
5

Gerra bukatuko da noizbait

 

Stanley

 

                                                 Berjabetza

                                                 gure bizitzen gain

                                                                   DUT

 

 Heriotza bizitzaren mugakidea dela

 ikasiko duzue batailan.

 Herri handia dirudizue zutik zaudetenean.

 Armak ederrak izango dira zuen eskuetan.

         Garaitezinak zarete

         ogia falta zaizuen artean

 Gainera ziur merezi duzuen gidaria

 aurkitzen jakingo duzuela:

         atributu guztiak dituen gudaria

         hizlari apartekoa, eredu gardena.

 

 Gerra bukatuko da noizbait.

 Hiriburuko plazan bilduko zarete.

 Gloria herriari.

 Estadista berriak hartuko du hitza

         lurren kolektibizazioaz hitzegingo du

         alfabetatzeaz

         eta esango dizue ejerzito zuriaren gorpuak erretiratu

         eta erein egin behar dela gudu-zelaietan

         Altzairua ekoiztu.

         Esango dizue nahikoa dela odolik.

         Iraultza bukatu dela.

 

 Hil ezazue.

 

 


inprimatu