Ordu nabarmena

Joseba Sarrionandia

 Orain munduan norbait negarrez badago

 Arrazoirik gabe negarrez munduan

 Ene gainean dago negarrez.

 Orain gauean norbait barrez ari bada

 Arrazoirik gabe barrez gauean

 Nitaz ari da barrez.

 Orain munduan norbait oinez badabil

 Arrazoirik gabe badabil munduan

 Eneganantza dator.

 Orain munduan nonbait hil denak

 Arrazoirik gabe hil bait da munduan

 Ni begiratzen nau.