Jesus Aurrari
Zugaitz
¡Zein ederra dan Jesus
umetxua!
Edertasun ber-bera
aur jayua.
Estalpetxo bat, bere
sor-lekua.
¡Bai dala txit apala
aur Jainkua!
Jesus gizon lurtarron
maitatia
Zure maitalientzat
poz guztia,
¿Zuk lurrian bizi nai
izatia?
¿Gizonen artian Zu
Jaun maitia?
¡A bai! Zure poza ta
nai guztiya
Gizonakin bizitzen
alegiya...
Balla... ¡zeñen maitasun
geyegiya!
Gizonarren egiñik
aur txikiya!
Negu gorri-gorriyan
gau otzian,
Otzik gorputza; garra
biyotzian,
Amabirjin amaren
magalian.
Orlaxe agertua
da lurrian.
Aingeruak nun-naitik
abeslari:
Gloriya zeruetan
Jainkoari,
Pakia bian, on dan
gizonari.
Nun-nai zorion utsa
da nabari.
Artzayai esan, diye
aingeruak:
¡Jesus jayo da! ¡gizon
zoruntsuak!
Eta menditik ziar
artzaitxuak
Jesus'en billa doaz
txit poztuak.
Bai agur maitatia
artzayena.
Jesus'entzat ordutik
biyotz dena
Bere gauzik denetan
ederrena,
Ta... ¡zer irri gozua
Jesus'ena!
¡Sutan dauka Jesus'ek
biyotztxua!
Gizonarren dago an
gizondua
Ta... guk maite aldegu
aur Jainkua?
Jesus al da maitetan
lenengua?
***
Ara Jesus zuretzat
gu gerana;
Gorputz-anima dana
¡dana, dana!
Agurka gatoz oro
Zuregana
Emaiguzu ordañez...
¡¡irri bana!!
|