Gure mixiolariya. Lagun deyogun!
Zugaitz
¡Beida, beida! nola dijuan
Euskaldun bat an, itxasoz,
Bere guraso-eta aberriya,
Dana utzirikan txit gogoz.
Samiña zayo guztiz
bai, urez joatia
Samiña zayo guztiz
den-dena uztia
Baño... Jainkuak nai du.
Eta... ¿zertarako da
negar egitia?
Jainkua berekin du
bere laguntzalle,
Ta Ura berekin dala
beti garaitzalle
Ezta ezeren bildur.
Beti izango da Jauna
bere lagun
Beti izango da bera
txit biotzdun.
Biotzdun beti eta
beti Euskaldun
¿Zer dala ta izango da
iñoiz bildur?
Txina aldietan an dabil sutsu
Jaungoikuarren lan da lan.
Irabazteko anima ¿nun da?
¡Mixiolariya beti an!
Txina aldietan an dabil sutsu
Batera jo, jo bestera.
Bere lan eta neke guztiyak
Bere estutasun larri-larriyak
Beti gauz berdin batera
Zuzentzen ditu; Artzai Ona'ren
Artalde ederra geitzera.
Bere biziya ta izate dena
Bera dan guzti-guztiya
Goiko Jaunari eskeñirikan
Aspaldin dauka utziya.
Zeru ta lurren Jabe danaren
gogua, bere gogua.
Bakar-bakarrik Arentzat dauka
Arentzat bere burua.
Mixiolari ain sutsu ori
Euskalduna da, guria;
Euskal-erriya du berak ere
Jayoterri txit maitia.
¡Euskaldunak ba! ¡Guk Euskaldunok!
Lagun dayogun emendik.
Gure laguntzaz eukiko degu
Gure anaya poz-pozik.
Lagun dayogun Euskalerritik
Mixiolari danari
Eta Jaun Onak eutsiko diyo
Gure Euskalerriyari.