Atsegin goxua
Zugaitz
Negute otza...
Negu beltzaren garratza
Orma ta izotza;
Atarin euri-lokatza.
Sukaldea-txokuan, suaren onduan
negu-arratsian
etxeko guztiyak
elkarrekin.
Ardatza eskuan, alki txikitxuan
amona ardatzian,
ta illoba txikiyak
berarekin.
Darbolin aundiya, txintxilik jarriya
Tinpi-ti-tanpaka
su-gaņian...
Otoitz-jariyua, Errosariyua,
abemariaka
ezpaņian.
Apari ariņa, amatxok egiņa;
apari-onduan
ipui xarra:
"Uizi'ko Lamiņa", "Muru'ko Sorgiņa",
"Txindoki-zuluan
bei nabarra",
Su-enbor lodiya, beltzik itzaliya:
sukalde-txokua
iņor gabe...
Lo etxe guziya... Goitik etorriya
ametsa gozua
danon jabe.
Negute otza...
Atarin elur ta izotza...
Otzik biotza.
Zeņen bestela
etxe-barruan!
Amaren mahal epela
sukal beruan.