Erriko otoitza
Zubizarreta, K.
Bildu gera gaur eliza onetan
gure aberri egunean.
Ta erriko otoitza asterakoan
Kristok zaituzte biotzean.
Jarri dezagun orregatikan
Itxaropena Kristogan
Euskalerriko min guzietan
orain bezala geroan.
Iruina zarko plaza aundian
gazte ta zaar euskaldunak
oiuka daude gaur egunian
bideatuz ikurriņak.
Eta andik laister etxeratzean
Jaungoikoari diotsat...
Gorde ditzala lege zarrian
gure gazte ta zaarrak.
Agurtu bearrez nola orain nagon
bertsoa dut ortarako.
Lenengoz, Jauna! milla esker-on
euskeradun naizelako.
Gero, zueri milla zorion
mezetan zeratelako.
T'Aberri egunez denok on konpon
euskadiren onerako!!!
