Mattin Aheztarra

Zubiria, Jean Pierre (Panpilli)

 1

 Kanta zazu Mattin, boz oxen horrekin

 Euskalduna dadin liberti zurekin

 Goizean has eta, arats arte bardin

 Pertsu berri ala kantu xaharrekin

 Zure konpainia denentzat atsegin.

 2

 Ahetzen sortua, berepenekua

 Apal gelditua, haundi talendua

 Ontasun ederra badu nahikua

 Horren artatzeko gaitzeko gostua

 Hor aise bizi da Mattin Ahezkua.

 3

 Jaun laboraria, biribil joria

 Da pertsularia eta kantaria

 Mundu zabalean kurri ibilia

 Jainkoak emana du dohain haundia

 Pertsutan artzeko gaitzeko aisia.

 4

 Zeren den plaxenta etzaio importa

 Nun nahi den besta, hori beti presta

 Ezin akitua pertsu ala kanta

 Behin hasiz geroz ezin da arrasta

 Holako gizona nundik ezin maita.

 5

 In behar denean besta bat herrian

 Betiko usaian, omere onian

 Mattin hor delarik gure konpainian

 Denbora badoa ohartu gabian

 Besta bururaino da alegrantzian.

 6

 Gonbita ukanik, hoi beti kontentik

 Partitzen etxetik, golkoa beterik

 Horren omoreak ez baitu parerik

 Zahar ta gaztentza badu denetarik

 Irriz asetzeko ez dago hoberik.

 7

 Hortz eta agina, maite du mahina

 Jan eta edana apetitu ona

 Bestan iganike gau eta eguna

 Segidan airoski baderama lana

 Lan ona iteko gaitzeko fazoina.

 8

 Betea talenduz, erne izpirituz

 Beti bardin gostuz ariko da kantuz

 Nor nori dohana xarmanki moldatuz

 Batian lauda ta bertzean mendratuz

 Zirto batzu gaitzak artetan botatuz.

 9

 Pentsu ta karkula aspaldi zuela

 Ainitzek bezala muntatu famila

 Andrea atxeman berak behar bezala

 Emazte xarmanta prestu eta ixila

 Bertze bat hoberik ez dakit badela.

 10

 Nahiz kanpañarra zeren lapurtarra

 Da gizon superra gorputzez gotorra

 Batto balinbada euskaldun zilarra

 Holako ainitzen ginduke beharra

 Biba pertsulari Mattin aheztarra.