Mattin Aheztarra
Zubiria, Jean Pierre (Panpilli)
1
Kanta zazu, Mattin,
Boz oxen horrekin,
Eskualduna dadin
Liberti zurekin:
Goizean has eta, arats arte bardin,
Pertsu berri ala kantu xaharrekin:
Zure konpañia denentzat atsegin!
2
In behar denian
Besta bat herrian,
Bethiko usaian,
Omore onian,
Mattin dugularik gure konpañian,
Denbora badoa ohartu gabian,
Besta bururaino da alegrantzian.
3
Jaun laboraria,
Biribil joria,
Eta kantaria:
Mundu zabalean kurri ibilia,
Jainkoak emana du dohaiñ haundia,
Pertsutan artzeko gaitzeko aisia!
4
Nahiz kanpañarra,
Zeren lapurtarra,
Da gizon superra,
Gorputzez gotorra:
Batto balinbada, eskualdun zilarra;
Holako ainitzen ginuke beharra;
Biba pertsulari Mattin Ahetztarra.