Jaun erretora partitzen

Zubiria, Jean Pierre (Panpilli)

 1

 Kantuz artzera noa gogoa tristerik

 Berri hits bat entzun dut ustegabetarik

 Ainitz maite ginuen erretor Uthurrisq

 Gutarik badoala graduz goititurik.

 2

 Kartier xarmanta da Baionan Sant Andre

 Denetan bezala da koka-hala jende

 Gu gana etorri zen orai zazpi urte

 Partitze horrek gaitu denak uzten triste.

 3

 Jendekin alegera, elizan kartsua

 Bihotzetik jalitzen otoitz-predikua

 Kantuz artzea maite, boz ederrekua

 Bazakien egiten denekilakua.

 4

 Tailaz apala bainan gorputzez gotorra

 Kantuz artzea maite, Kantari ederra

 Bertute haundikoa, eskualdun suharra

 Ez baita harritzeko, baxenabartarra.

 5

 Apezpikuak denak manatzen baititu

 Apezek ere horri behar obeditu

 Xandatziak gradutan denak upatzen tu

 Pentsu horrek parte bat kontsolatzen gaitu.

 6

 Izpiritu xorrotxa, abil ta nasaia

 Lan guzietan berdin gaitzeko kuraia

 Gazterik ukan men Jainkoaren deia

 Apez on bat iteko bazuela gaia.

 7

 Eskual apez xarmanta, deneri grazia

 Irria ezpainetan, arrai arpegia

 Lan guzietan berdin ber abilezia

 Deusek ez du lotsatzen horren bertutia.

 8

 Ez da gutarik urrun behauzun egoitza

 Elgarren ikusteko badukegu xantza

 Lana ainitz maite ta gogoa zorrotza

 Lan guziak errexak ditazke zuretza.

 9

 Lanak hola manatuz gaitutzula utzi

 Denen partez deraitzut igortzen goraintzi

 Esker onak ditutzu milaka merezi

 Zure otoitz kartsutan oi gu ez ahantzi.