Herriak 25 urte
Zubiria, Jean Pierre (Panpilli)
1
Hemezortzi ehun lau hogoi eta naski zazpiko urtea
Eskual-herrian lehen kazeta Eskualduna zen atea
Etcheverryri eman zioten horren buru izaitea
Bai eta ere behar orduan diruaren furnitzea
Denen onetan merezi zuen sortuz geroz bizitzea.
2
Eskual-herria argitu nahiz kazeta zuen muntatu
Bertze lagun multxo batekin lan horri airoski lotu
Emeki eta denborarekin hori denetan hedatu
Bertzek bezala adiskidekin etsaiak ere izan tu
Denen gostua egiten ahal sekulan nehok ez baitu.
3
Berroita hamazazpi urtez, da hola bizi Eskualduna
Buruzagi eta sustatzailez izan gaitzeko andana
Horren azken buruzagia jaun kalonje Arotzarena
Maluruski da horren denbora izan memento txarrena
Gure herrian jarria baitzen denen nausi Alemana.
4
Sobra eremu zaindu beharrez etsaia baitzen higatu
Frantses armadak berritz bildurik airoski zuen kasatu
Libertatia etorri eta izatu zen nahasmendu
Alemanekin ontsa zirenak preso zituzten altxatu
Eskualduna ere bertziak bezala agertzetik debekatu.
5
Astekaria hola galdurik penetan ginen jarriak
Nihola gehiau ezin ikasiz batzu bertzien berriak
Eskual-herrian beti baitira ta izan gizon haundiak
Elgarretara bildurik ziren akort ezarri guziak
Bertze bat berritz ateratzeko xandatuz buruzagiak.
6
Horren sortzeko buru jarri zen jaun kalonje Pierre Lafitte
Len guzietan kapable dena beti ateratzen norbeit
Ordu artio hau zer ari zen xuxen nik hori ez dakit
Ez da dudarik leheno ere okupatzen zela nunbeit
Kapable deno ez da egonen segur naiz in gabe zerbeit.
7
Hoita bortz urte aurten egintu gure kazeta Herriak
Bazter orotan hola hedatu batzu ta bertzen berriak
Denek bezala segur izantu etsai ta laguntzailiak
Bizia deno zeren badiren atsegin nahigabiak
Deneri beti ihardoki du kalonje buruzagiak.
8
Hoita bortz urte agertu zela guk dugun astekaria
Lehengoaren molde bertsuan emanik izen berria
Denen gostua laster eginik zeren den maitagarria.
Haunditu eta ederrik dago azkar denetan jarria
Biba kalonje jeun Lafitte eta gora kazeta Herria.