Gure mendeko mutikoak
Zubiria, Jean Pierre (Panpilli)
1
Neskatcha multcho batek egin daut gombita:
«Eman behar zinuzke hemen zombeit kanta!»
Baietz erran diotet laster errepusta;
Lan hori enetako bethi plazer baita!
2
Ene ganat jin dire gaichoak, erranez:
Mintzatu behar zira zu egun mutilez;
Ezkon-gai hemen gauzi gaizki in beldurrez
Gero ez egoiteko bihotza dolorez!
3
Oraiko mutikoak zoin diren mandrenak,
Bakar batzuek salbu, gutiz gehienak:
Ez ditu trakasatzen hoiek anitz lanak;
Bestetan ibiltzeko baitire lehenak...
4
Moto ederrak eta zombeitek otuak;
Araberan dituzte hoiek soinekoak;
Bestaz besta dabiltza, hola beztituak,
Enganatu beharrez inozent gaichoak!
5
Neska hoien ondotik hoikien tormenta!
Deneri konplimendu, irri eta josta;
Deneri ele, bainan nehor-ezin hauta;
Ahal duten guziez ederki profita!
6
Bestarik ez denean, dire ostatuan,
Elgarrekin josteta irri-ta kantuan:
Erretiran dituzte ezartzen kanpuan;
Nok daki zombat arno daukaten golkoan?
7
Biharamun goizean burua haundia;
Lanerat partitzeko kalapu ttipia;
Bethi atchemaiten dute zerbeit aitzakia,
Ohean pasatzeko goizaren erdia!
8
Neskatchek geroari baitugu pentsatzen,
Jaun hoikien hartzeak gu gaitu lotsatzen.
Mutil hoik ez badira puska bat gizontzen,
Ez estona bagira mutchurdin gelditzen!»
9
Neskatoko maiteak, ene iduriko,
Lehen ere bazagon segura holako!
Mundu huntan badeno neska ta mutiko,
Zapeta izanen da denen negurriko!