Gure apheza
Zubiria, Jean Pierre (Panpilli)
1
Familian badugu seme bat apheza.
Bere sor-lekuan du eman lehen meza:
Hartu chede oneri jarraikitzen baza,
Zeruan segur dugu tronu bat saritza...
2
Ttipian aditurik Jaunaren mezua,
Arimen salbatzerat zare dehitua.
Satifatzen baduzu hautatu kargua,
Ukanen duzu sari bethikotz zerua...
3
Burraso-haurbideak, ahaide ta kusin,
Mahin huntaratuak denak-elgarrekin
Kantatu nahi dugu bozkariorekin,
Zu aphez izaitea baitugu atsegin.
4
Bai gogotik girare gaur ethorri huna.
Bethikotz orhoitgarri holako eguna!
Ezin haundiago da gure atsegina:
Gure artean hemen zu aphez egina!
5
Aphez lagunekilan hemen Jaun ortor
Ethorria bestaren oinon edertzera:
Zu egun laudatzea ez zaio sobera
Leheno kasu hortan izan baita bera.
6
Ama gaichoa dago hortchet choratua
Bere semea baitu orai apheztua:
Othoizturen duela zeruko Jainkoa
Zutarik egin dezan aphez hat saindua
7
Ez da bethi aphezaren lana
Nahigabea frango, bakan atsegina.
Handiegi delarik zure bihotz-mina
Laguntzaz galda zazu zeruko Birjina.
8
Nun nahi izan dadin zuk behar lekua
Desir dautzut jar zaiten aphez bat kartsua
Hoinbertze maleziaz ina da debrua:
Garhaitu behar duzu, gorarik burua
9
Azkeneko tenora jiten zaukunean,
Hango bizi hartarat heltzen garenean,
Ikusiren zaitugu guk ere agian
Zuk salbatu arima guzien erdian...
10
Aphezak azken hitza bethi beretako.
Fagore bat hanuke zuri galdatzeko:
Elizan zaudelarik umil belhauniko
Zure othoitz kartsutan gutaz orhoitzeko.