Gerlari ohier

Zubiria, Jean Pierre (Panpilli)

 1

 Mila bederatzi ehun eta hemezortziko azila:

 Mende erdi bat aurten egin du gerla akabatu zela!

 Oraino frango bizi baitira jin zirenetan gibela,

 Berroita hamar urte karitzat eman diote medaila.

 2

 Errespeto ta ohore zuer, gerla haundiko gizonak!

 Adin haundira eldu zarete orai gotiz gehienak.

 Zuen artetik ainitz badire betikotz mundutik ganak:

 Zuen bihotza kontsola beza guzien orroitzapenak.

 3

 Guzien dako orroitgarria urte hamalauekua.

 Frantses herriak deneri zuen egin galdezko oihua:

 Gure herria Alamaniak zuela atakatua,

 Uste gabian ekarri zion gailzeko kolpe gaxtua!

 4

 Hola bildurik elgarretara seme guzien laguntza,

 Hor numbeit hola arrastatu zen etsaiaren oldar latza.

 Bethi fermuki egon ere zen kurai eta esperantza.

 Frantses armadak ukain zuela denboraikin azken itza.

 5

 Satorren pare lurpean inik trantxetan bizitegia,

 Etsaia urbil; lanjerra ere, ardura tripa gosia,

 Iduzki, uri, elur ta horma, uden ondotik negia,

 Nehori ez da desiratzeko zuen orduko bizia.

 6

 Lanjerren kontra hola eginik lurpean zuen egoitza,

 Zero ederra gainean eta azpian lurra ohetza,

 Usu etxera airatzen zela gogoa eta bihotza:

 Horrek segura zoen eztitzen zuen denen zorigaitza.

 7

 Uste gabean han edo hemen etortzen baitzen ataka,

 Gau eta egun pausurik gabe bat bertzeari tiroka,

 Ezin bertzean ezin trenkatuz baihonetean sistaka,

 Beren bizia utzi dutenak hola baziren milaka!

 8

 Lau urte lozaz hola bizirik lurpean gau ta eguna,

 Etsaiarentzat etorri baitzen sumetitzeko orena,

 Nola esplika zuen orduko bihotzeko zoriona,

 Kaporal batek jo zuelarik bitoriaren klerona?

 9

 Sortuz geroztik munduan behar hiltzen ez bada, zahartu:

 Bainan segurik ez nehorentzat zorteak behar manatu.

 Denen aldia etortzen dela halere behar orroitu:

 Zahartze uros bat guzieri nai dautzuet desiratu!