Egun ederra
Zubiria, Jean Pierre (Panpilli)
1
Amodioz kantua zuri gaur, Azkaine,
Herri pollitagorik ez baita nihune...
Larrun ondoan eta urbil Donibane,
Bestiten usatua zare zu lehene!
2
Pertsulari konkurrak zoin gehiagoka,
Ikustera jendea jina zen metaka:
Ezin sinetsia da hoien errepika:
Atchikiak gaituzte irriz ahatraka!
3
Mugaz bi aldetarik sei baziren jinak,
Haundizki chorrochturik hortz eta aginak:
Nahiz hoik seiak diren pertsulari onak,
Hortane ateratzen bethi jaunen jaunak...
4
Basarri, Uztapide, bertzia Lizaso,
Zubikoa, Chalbador, Mattin bethi gozo:
Sei pertsulari eder entzun tugu atzo,
Charmanki aizan dire ustuz zombeit baso...
5
Trinket ederra zinez Azkaineri Ramuntcho:
Eskualdunen biltzarra hor ginuen chintcho!
Bazkarian ukanik amorroin ta urtcho,
Pertsulariek zuten ainitz de gocho...
6
Azkaineko herria oi nola ez maita,
Horko jendea dena eskualduna baita?
Plaza ederra eta eliza pollita:
Zombat choragarria Ramuntcho trinketa!
7
Ainitz ederra dugu geroko mentura,
Bethi azkartzen ari baitzauku eskuara:
Urrugna, Donibane, Sempere ta Sara
Bortz hauzo herrietan trinketak badira.
8
Larrungo mendiaren gerizan jarria,
Bethi edertuz doa Azkaingo herria:
Fruitua jinen baita, lan ohien saria,
Biba Azkaine eta eskualdun herria...