Bikarioa partitzen
Zubiria, Jean Pierre (Panpilli)
1
Sant Andren bikario Etchegaray Ganix
Zuretako kantatzen hemen hasiko niz
Ainitz apez plaxenta, arpegia irriz
Gu denez aspaldian maitatua ainitz.
2
Gazterik entzun men Jainkoaren dela
Apez on bat iteko bazuela gala
Ainitz haundi izanez bertute kuraia
Bururaino atxiki haurreko idaia.
3
Bokalen bikario apez lana hasi
hor jenden estima laster irabazi
Hamar urte hor egon, hemen bederatzi
Ertor gradura dute oral hel arazi.
4
Euskaldun sortu eta euskaldun suharra
Ez baita harritzeko: da amikuzturra
Boza bat arraroa, kantari ederra
Holako apez ainitz ginuke beharra.
5
Beti omore, ona maite konpainia
Ahal duen guziez bertzen laguntzia
Lan guzietan berdin gaitzeko aisia
Iduri sortu zela denak ikasia.
6
Ez adiorik, jaune, bainan ikus arte
Zure bozkarioan artzen dugu parte
Zure ertor lekua ez da hain aparte
Artetan ikustia atsegin ginuke.
7
Blanpignon eder hortan gidari emana
Aintzina segitzeko hasia den lana
Airoski garraiatuz ukan duzun zama
Desir dautzut xantza on eta osasuna.