Biba Heletarrak

Zubiria, Jean Pierre (Panpilli)

 1

 Urtaril ilabeteko azken larumbata:

 Baionan izan dugu arats bat charmanta!

 Gure libertitzera jina zen Heleta,

 Segur izan baitute ainitz errekesta!

 2

 Ainitz ederra zela hori aditurik,

 Sala laster jarri da mukurru beterik:

 Hor atchiki gaituzte irriz leherturik,

 Hoien ateraldiak etzuen parerik!

 3

 Fama haundia zuten jada aspaldion:

 Holako teatrerik etzagola nion!

 Gu gana jein zirela dudarik etzagon;

 Guziak choraturik hola gare egon.

 4

 Ohidura zaharrak beharrez atchiki,

 Gazteak ari dire lanean airoski:

 Laudatu nahi ditut guziak haundizki;

 Eta ene tokaio hoi partikulazki...

 5

 Zoin ontsa aizan diren batzu ta bertzeak;

 Tauletan trebe dire Heletar gaztiak;

 Eskerrak merezi tu hoien komediak,

 Eta partikulazki horren egileak.

 6

 Ohoratzen dutela Eskual-herria

 Berritz gora ezarriz hola teatria!

 Talendu haundikoa da hor gazteria.

 Biba Heleta eta «Hazparneko Anderia»!